嘉穎有得搵 唔怕執二攤
內地當紅小生黃曉明日前拍攝電影發生意外導致腳趾骨折，需接受手術鑲入六粒鋼釘，昨日沒如期來港以代言人身份出席剪綵活動，大會請來分量十足的兩屆「視帝」鄭嘉穎頂替，嘉穎樂於「執二攤」，他幽默說：「多啲嚟密啲手。」
鄭嘉穎與官恩娜到尖沙咀某商場為瑞士天梭錶擔任剪綵嘉賓，在內地走紅的嘉穎吸引大批「自由行」旅客圍觀，令商場擠得水洩不通，嘉穎與官恩娜獲大會贈送名錶。問鄭嘉穎可介意「執二攤」，他笑說：「小弟習以為常啦，如果冇《怒火街頭》執三、四攤，又點會有依家嘅我，多啲嚟密啲手。不過，曉明原本係天梭表代言人，佢親自嚟到當然最合適，但係佢受咗傷，所以先由小弟頂上，希望曉明早日康復。」
官恩娜勸狂徒收手
嘉穎早前拍攝大陸劇《葉問》時傷眼肚縫十針，昨日未察覺其疤痕，他說化妝後疤痕並不明顯，也沒有後遺症影響視力，認為拍武打片難免受傷，講到今年「視帝」之爭，似乎打定輸數的嘉穎說：「我今年去助興，因為今年只得一個月喺香港，都唔好意思同觀眾拉票，黎耀祥好大機再攞視帝。」講到黃智賢沒份提名男配男怒轟無綫，嘉穎則說：「唔係每次努力都會得到認同，自己都經歷過，同佢二十年老友，唔使安慰。」
官恩娜談到牧羊狗近日遭虐待，她說愛犬下星期可以拆線，但也元氣大傷。計劃搬屋的官恩娜說：「希望兇徒能放下屠刀，攞番個良心出嚟。」
文：影視組
攝：鄭家俊