藝人謝賢、郭少芸及王賢誌昨日出席《三皇VIP健康茶聚》活動，宣傳漢方養生健康食品。問到四哥的養生之道，他竟開玩笑說：「食大麻、唱K溝女咁啦。（係咪真係去識女仔呀？）講笑，都幾十歲人啦。」另記者告知他近日吸毒成娛樂圈熱門話題，問四哥平日可有教謝霆鋒遠離毒品？他說：「有胎教，佢仲喺個肚入面我已經教緊佢，話佢知唔可以做咩。（咁會唔會教霆鋒遠離啲壞朋友？）點解唔做得朋友呀，你哋自己問番霆鋒啦。其實好同壞都可以做朋友，咁先係做人嘛。」
