葉佩雯開口中 老公失婚戒

郭偉亮（Eric Kwok）和葉佩雯（Grace）前晚在酒店擺西式喜宴，一對新人未有再「接吻魚」上身，但就播出去年Eric在紅館萬人見證下跟Grace成婚片段，並將兩人「錫錫」的片段打格，令全場爆笑。而到賀吳彥祖更變成人肉布景板，不停被其他賓客要求合照，而陳奕迅則有份任兄弟。

提子汁當紅酒

而Grace昨日接受電話訪問時就透露昨日早上發現老公Eric的結婚戒指竟不翼而飛：「隻白金戒指係Eric訂造，雖然唔係好貴，但對我哋就好有意義，真係好想搵得番。」他們隨即發散人手在婚宴場地及卡拉OK內搜尋，她說：「我估計Eric可能係洗手時除低咗。」原來戒指一直藏在Eric的褲袋中，實屬虛驚一場。至於Grace指完成婚宴後累到哮喘病發，未有洞房花燭。她並自爆前晚兩人全程都以提子汁充當紅酒。對於好友張栢芝未有現身，Grace稱：「我本來係有預佢會到，不過佢結果即使無嚟但都有send訊息祝福我哋。」

郭偉亮的結婚戒指在婚宴後不翼而飛，後發現只是虛驚一場。

吳彥祖在場內變成人肉布景板。

散場分頭離開

蔡卓妍（阿Sa）與男友陳偉霆（William）前晚散席時前後腳離開，問到William為何要與女友前後腳？他說：「頭先做嘢。（走都分開？）我同佢哋（Mr.）去飲嘢。」對於有藝人疑似在餐廳內吸毒，William說：「冇睇報道，希望唔係真。」

阿Sa與男友陳偉霆前晚散席時前後腳離開。

陳偉霆

文：音樂組

攝：追蹤組