趙碩之霸王姊妹食夾拎

無綫藝人張頴康與《東張西望》主持麥雅緻前晚筵開廿多席擺喜酒宴請親友，新人在喜宴中多次開心落淚，場面感人。第二次做姊妹的趙碩之（Wylie）始發覺原來做姊妹都要做人情，她說：「第一次做姊妹時因為唔識人情世故，冇做人情飲霸王喜酒不特止，仲將二千幾蚊開門利是袋走，正一食夾『拎』。今次知道喇，做番多啲人情補番數。」見人結婚，Wylie坦言毫無衝動，因她好想飲男朋友煲嘅湯，可惜現在冇男友。
張頴康與麥雅緻在喜宴中又喊又咀。
張頴康與麥雅緻在喜宴中又喊又咀。

與麥雅緻同屆的港姐陸詩韻單拖赴會，32歲的她自爆是中女，但「剩女」非只她一人，陸詩韻說：「同我同期嘅葉翠翠都未有着落，爹哋怕我嫁唔去，不斷安排我去相親，介紹後生仔畀我識，但我鍾意穩重成熟型男友，所以每次相睇都失敗！」

  • 放大圖片
趙碩之一直唔知做姊妹去飲都要做人情！
  • 趙碩之一直唔知做姊妹去飲都要做人情！
陸詩韻躋身剩女一族。
  • 陸詩韻躋身剩女一族。