韋綺姍復出蔣志光拒幫拖
跟已故樂壇天后梅艷芳同屆「新秀」出身的韋綺姍（Rita），暫別樂壇十載，最近計劃復出。不少人期望她與昔日拍檔蔣志光再同台合作，可惜對方醉心拍劇而婉拒。
再戰樂壇的Rita過去十年專心一致當賢妻良母，16歲長女身在英國讀書，而細女則13歲。由於她自少父母就離婚，欠缺家庭樂的她不想重蹈父母覆轍，所以很重視親子關係，她笑說：「依家佢哋大個唔理我，我都想做自己鍾意嘅嘢。」大女遺傳了她的音樂細胞，曾參加英國版殘酷一叮歌唱比賽，剛剛更在香港一個歌唱比賽贏得冠軍，她不反對女兒加入樂壇，但要先完成學業，她笑說：「佢喺英國，學校每次有咩表演，佢都有份唱，我都戥佢開心。」
地獄式勁減廿磅
Rita年初應邀參與一個群星騷演出試水溫，即獲主辦商邀她與蘇姍下周一在屯門大會堂舉行兩場演唱會，她已邀組合糖兄妹任她嘉賓，她形容與糖兄妹頗有淵源，因他們唱片公司老闆正是她昔日經理人，最近她更教糖妹唱歌，對糖妹讚不絕口的她說：「佢真係一個乖學生，上堂好認真，而糖兄就係一個有性格嘅音樂人，同佢哋兩個合作好開心。」
當年她與蔣志光合唱的《相逢何必曾相識》街知巷聞，她可有想過邀蔣志光做嘉賓？她說；「我夠想，好多人搵我哋做騷，但佢唔想，可能佢鍾意拍戲多啲，勉強冇幸福，做人最緊要做自己開心嘅事。」
為了今次復出樂壇，由六月開始她就進行地獄式修身計劃，她自爆之前肥到150磅，她笑說：「真係好鬼肥，我跳咗幾個月舞，又搵私人教練去操線條，終於成功減咗廿磅。」
文：音樂組