鄧麗欣進軍內地唔急嫁
鄧麗欣（Stephy）日前到廣州出席歌迷為她舉行的29歲生日派對，與男友方力申拍拖多年的Stephy承認獲不少朋友催婚，明年踏入3字頭的她坦言「急唔嚟」，一切順其自然，現階段只會努力工作。
近年主攻內地的Stephy日前為電影到內地宣傳，適逢翌日是她29歲生日，大會特別送上蛋糕兼安排眾演員唱生日歌，氹得Stephy笑逐顏開。活動後Stephy出席當地歌迷為她舉行的生日派對，以黑裙配紅色皮手套的她與歌迷打成一片，更穿上粉紅歌迷會外套拍照留念。
無懼高齡生B
Stephy與男友方力申感情穩定，不時拍拖出埠，問到有否收到「快啲嫁」祝福？Stephy說：「梗係有，全部人都係祝我快啲結婚。」問到何時才披嫁衣？事業型的Stephy說：「冇，大家啱啱先係內地發展，冇刻意去諗。（父母冇催？）急唔嚟，順其自然啦。（唔擔心做高齡產婦？）我仲後生。」隨即重申今年仍是2字頭。
明年推出專輯
至於生日願望，Stephy希望電影大賣及身體健康，並透露明年將推出專輯，她說：「依家收緊歌，明年就會出，希望擺番多啲時間喺唱歌方面。」由於她沒有簽約唱片公司，問到是否交給伯樂黃柏高揸Fit的太陽娛樂文化發行？Stephy說：「未諗。」
文：音樂組