Hailey肉赤攬枕喪喊

周秀娜師妹、o靚模Hailey C.今年多棲發展，除一嘗做主播滋味外，她最近更踩入財經界做「財」女出書，分享自己的理財及投資心得，她說︰「其他書出得太多喇，比較少年輕一輩嘅女仔講財經書，所以我就決定出。」也許你會認為Hailey年紀輕輕，她的理財投資經驗是否足夠，但短短幾年她已透過投資賺逾七位數字，榮升圈中小富婆，她笑說︰「我都係一個理財幾好嘅人，雖然要工作，但搵嘅錢唔夠，所以要滾大佢，依家投資都賺咗七位數，成績唔錯o架。」

拒絕貼錢養仔

在她的眼中，「錢」字算是不可或缺的一環，對於是否很愛錢，她非常認同，她笑說︰「梗係鍾意錢啦！但我唔係一個孤寒嘅人，我覺得每個人都應該有自己嘅積蓄。」看似她於投資路上非常順利，賺到笑，但原來她曾於投資失利損失五位數字，她直言當時相當肉赤，她說︰「嗰次係實驗性質嘅投資，當時覺得好肉赤，之後仲返去攬住個枕頭喊，唔敢同屋企人講。」經過這次的失敗，Hailey的投資技術成功升呢，故現在非常小心。

Hailey坦言剛開始投資時蝕到入肉，在家痛哭。

自言愛錢的Hailey近日更「收徒」教授投資心得。

話雖晉升富婆行列，但她在情場卻未能開心結果，難怪她笑言要儲定姑婆本，她笑說︰「我都擔心冇人要，所以儲定姑婆本，希望快啲有男仔追啦，但要我養就唔得喇，男仔最緊耍有上進心。」

文︰專案組

攝︰黃叔榮

場地︰Zummer

服裝︰bread n butter