趙詠瑤挑戰Baby做諧星上位

貌似謝安琪的新進模特兒趙詠瑤（Vivian）外表傻更更，但其實對事業滿肚計劃，視o靚模始祖Angelababy為奮鬥目標：「首先希望好似Anjaylia（陳嘉寶）咁拍廣告有啲知名度，之後就同Baby一樣拍吓戲同有自己品牌，我讀設計，呢方面都有啲信心。」問到想演出哪類角色？活潑開朗的Vivian笑言唔怕醜，不介意做諧星：「我希望畀多啲歡樂畀大家，平時都鍾意搞爛Gag，人哋笑自己唔笑嗰隻，而且Baby都有拍過笑片，演出得意角色，靚女都可以好搞笑呀！」至於性感尺度，Vivian直言不會為露而露，一定要有價值，至怕被標籤為性感女模。