陳少邦入城電展拳腳
藝人陳少邦外表有型，但花名卻偏偏叫「肥鈍」，他笑着解釋說：「我細個嗰時肥到有3個下巴，6年級已經有140磅，嗰時我又好鍾意打籃球，所以英文名改咗我偶像米高佐敦嘅名Jordan，我又肥又叫Jordan，咁咪變咗肥鈍囉。」
因參加第13屆藝員訓練班而入行的少邦在無綫已打滾了14年，雖然際遇不及同期訓練班同學林峯和楊怡，但都無阻他繼續奮鬥的決心，今年5月終於決定離開娘家，加盟了城電的少邦立即有機會接拍新劇，在劇中少邦要由一個好人因為愛情而變成一個大惡魔，他說：「呢個角色好有挑戰性，而且有好多打戲同吊威吔戲份。」少邦對新環境充滿期待：「睇吓自己呢3年做到啲咩成績。」