李曼筠車仔麵女王偷師學藝
「動漫Maggie」李曼筠自封「車仔麵女王」，笑言讀書時更會每日食一碗，為食的她近日更偷師學整車仔麵，望可投身飲食界。另她更自爆經常辣椒醬傍身，笑言去到邊都可用來送飯食。
別看「動漫Maggie」李曼筠身材fit爆非常惹火，望落零脂肪，但她自言極之擦得，經常行遍港九新界找尋抵食夾好味的美食。這位飲食專家近日更特地去偷師，學整平時最愛的車仔麵，她更勾起童年回憶，笑指讀書時期更幾乎每日食一碗，她說︰「讀書時為咗慳錢，成日都會去食車仔麵，可以揀我鍾意嘅食，又慳番啲錢買自己鍾意嘅嘢。」Maggie笑言考試時光顧得最多︰「我諗唔到食咩就會去食車仔麵，尤其係考試嗰時，有時間就會去食碗再返去溫書。」
有意投身飲食界
Maggie又自爆是個無辣不歡的人，更試過用辣椒醬送飯，非常誇張，她笑說︰「之前去內地做嘢都會帶辣椒醬傍身，有時去到一啲地方嘅餸唔啱食，就可以撈飯食，真係好好味。」食唔停的她，直言是怕肥一族，靠做運動補數，她說︰「食得是福嘛，我成日覺得為咗減肥唔食嘢太辛苦喇，我寧願做多啲運動，咁就可以食多啲喇。」
此外，為食的Maggie更有意投身飲食界，除可食唔停外，又可以親自下廚煮幾味過下手癮，她說︰「我有諗過o架，仲可以自己煮埋添，細細個讀書咁鍾意食車仔麵，都想開間車仔麵店。如果開私房菜嘅話，仲可以叫『曼筠私房菜』，夠晒親切。」
文︰專案組
攝︰謝國華
場地︰MINMIX
服裝︰Tout a coup@I.T
髮型︰Nick@HH hair.nail
化妝︰Gloria@iMAKEUP WORKSHOP