陳茵媺揀螢幕情侶唔嗒陳豪

前港姐陳茵媺拍攝劇集《天梯》期間，剛開始與陳豪拍拖，茵媺接受專訪時表示與男友少有對手戲，所以當時開工反而甚少碰面，她說：「嗰陣開工都冇時間拍拖，因為大家對手唔同，好多時我開工佢就收工，見得最多就係黃德斌，佢就見張可頤多。」

唔准自己笑

情侶合作會不會產生尷尬？茵媺說：「咁又唔會尷尬，一齊拍劇都冇乜嘢，不過最好就唔好做情侶角色，做演員最渴望做唔似自己嘅角色，如果我哋拍劇做情侶，感覺太真實，觀眾又睇得奇怪，我哋又唔好玩，都係保持『距離』好啲。」

性感爽朗、愛開懷大笑的茵媺，劇中角色與現實中的她可謂一百八十度大逆轉，首次演繹悲情角色，又被賣豬仔、強姦、加上跳海輕生，實在十分慘情，故拍攝時茵媺也要花一番工夫自我「壓抑」，她說：「自己一向都係開心同埋幸福嘅人，所以開工前要將情緒壓低，好似揸車返工就開始要培養情緒，自己又鍾意笑，開工嗰陣都盡量唔准自己笑，保持一個好低落嘅情緒演戲。」第一次演「小三」的陳茵媺可擔心觀眾不接受捱鬧？她說：「又冇諗，因為古仔寫得好好。」

冇諗過攞獎

臨近台慶頒獎禮，陳茵媺可有信心憑《天梯》奪獎？她說：「冇諗攞獎，有獎當然開心，因為係一種鼓勵，但唔想畀壓力自己，唔想為獎拍劇，自己只係想不斷進步，希望人哋會讚我『你做得戲喎！』，咁樣做戲會長遠啲，或者到時自然會有獎。」陳茵媺熱愛演戲，一直希望到美國讀戲一兩年，但時間並不容許，或許改為修讀短期課程。

採訪：影視組

髮型：Patrick So@hh Salon