香香狂賺６位數 等做業主

憑電視劇《巴不得媽媽...》而人氣急升的岑麗香，昨日以代言人身份為apm拍攝宣傳照，大會特別請來日本神級班底操刀，包括曾為椎名林檎設計形象的形象設計師飯嶋久美子、安室奈美惠御用攝影師伊藤彰紀、美術總監千原徹也以及髮型兼化妝師岡田知子，而新鴻基地產代理有限公司租務總經理馮秀炎昨日更前來探班。

愈嚟愈接近目標

香香開心表示首次擔任商場代言，並大讚酬勞好好：「係重酬，有六位數字，但實際幾多就唔講。」她直認因劇集帶挈而多了很多廣告及贊助，並坦言：「我有生以來未試過喺咁短時間賺咁多錢，夾埋賺咗六位，雖然仲未夠錢買樓畀首期，但已經愈嚟愈近目標。我想買將軍澳、大約400萬元嘅樓盤。」香香雖然豬籠入水，但她為實現置業夢想，故不敢胡亂花錢：「依家係好多工作機會，但娛樂圈有高低潮，所以我會好珍惜，唔會亂花錢。父母有問過使唔使幫手置業，但我想靠自己實力去賺錢，咁會有滿足感同舒服啲，父母都會以我為榮。（預計幾耐達成目標？聖誕定新年？）希望可以啦！」

香香與工作團隊對拍攝效果十分滿意。	新鴻基地產代理有限公司租務總經理馮秀炎（左）為香香及形象設計師飯嶋久美子打氣。	香香與嘉樂於劇集慶功宴上大方合照。

大方跟嘉樂合照

香香透露除了置業夢之外，另一個夢想是能在商廈外牆掛上自己的大型肖像，今次apm令她夢想成真，她又盛讚今次的造型可愛，她說：「個造型好似公仔咁，我選美嘅時候，其他佳麗經常同我講『香香你好似公仔』。」認真識做。

另外，香香前晚出席《巴不得媽媽...》的慶功宴，與曾傳緋聞的錢嘉樂同場，不過二人毫不尷尬，還大方合照。

文：名人組