Lavina嚇到傻 徐偉棟推見鬼
o靚模鍾蕙芝（Lavina）、徐少強兒子徐偉棟、陳日豐及邵棋琪日前玩轉鬼屋，身材與膽量不成正比的Lavina，被一眾惡鬼嚇到面容扭曲，「大俠之子」徐偉棟沒施援手反而推她「送死」，又自封是「鬼界無間道」夾份嚇Lavina，非常搞笑！
踏入萬聖節月份，Lavina、徐偉棟、「翻版周杰倫」陳日豐及now觀星台主持邵棋琪（Monnie）日前相約到海洋公園，玩轉八間不同特色的鬼屋。面對核突喪屍及嘩鬼，四人可謂真性情盡現。
強顏歡笑合照
身為「大俠之子」的偉棟，行入鬼屋一直氣定神閒，無視一眾猛鬼。相反拍檔Lavina雖然胸前偉大，但原來膽量超細，見她不停喪叫，又躲在偉棟後面不敢前行。可能她的驚嚇樣實在「吸引」，徐偉棟一直拉她向前，更將她推向猛鬼，嚇得Lavina左閃右避。為了拍照效果，她才勉強擠起笑容與惡鬼合照，其後即急急腳閃人。至於日豐及Monnie則互相照顧，輪流為對方開路，合作性明顯較高。
事後Lavina笑言嚇到癲咗，並自封是最佳玩鬼屋人士：「我頭又亂妝又甩，相信啲鬼一定嚇得我好有滿足感。」並投訴徐偉棟毫不憐香惜玉，推她去送死，偉棟即自稱是「鬼界無間道」，一早約定猛鬼夾份嚇Lavina。
多次撼頭埋牆
日豐及Monnie齊聲表示最得人驚是黑麻麻的鏡陣，因完全看不到路，多次撼頭埋牆。日豐笑說：「原本明明係鏡，但無啦啦有鬼彈出嚟，真係嚇一跳！跟住又見到有隻鬼好型，原來係鏡入面嘅我！」
文：立影
攝：鄭家俊