林熹瞳儲火柴迎接末日
藝人林熹瞳（Rachel）對「2012末日論」十分着迷，距離2012年12月21日「世界末日」愈來愈近之際，她與好友水晶專家天林大談水晶與末日關係：「我聽講戴水晶都有助面對末日，雖然我抱住平常心，末日氣溫會跌到零下200幾度，除咗依家開始儲定啲火柴同暖包外，戴咩水晶會有幫助呢？」
天林聽到Rachel搞「盲搶鹽」Gag，則笑言：「水晶唔可以當火柴，不過喺人心惶惶時，可令人變得積極同心境平靜，戴紫鋰輝石令人變得有智慧；白水晶可以發放正能量；繪有龍紋嘅黑曜石，可以更穩定發放能量。」Rachel聽罷突然「醒悟」，表示命運掌握在自己手中，應該充滿正能量去對抗逆境。
