楊怡遭張頴康叉頸威嚇

藝員楊怡和張頴康近日到旺角為劇集《仁心解碼II》開工，劇情講述扮演舞女的楊怡與飾演蠱惑仔的張頴康在街頭「講數」，張頴康更將楊怡推撞埋牆，繼而發生激烈爭執，及後卻遇上警察，兩人隨即扮friend化解。

笑方中信慢吞吞

首次扮演舞女的楊怡造型也似模似樣，她指事前也為「學壞」花工夫，她說：「戲裏面因為係做舞女，所以說話要好粗俗，都有留意時下啲Wet妹係點樣。最慘自己唔食煙，最困難係角色要成日煲煙！」她又透露雖然她是飾演舞女，但實情卻是警方派出的臥底，戲中與黃智賢有感情線。同劇演員有經常整蠱做怪的方中信，問楊怡可有「中招」？她笑說：「同方中信合作過好多次，大家好有默契，方叔叔依家講嘢慢吞吞，佢修為仲未夠整蠱我哋。」

扮演舞女的楊怡與張頴康在街頭講數。

飾演警員的黃智賢（左）與楊怡將有感情線。

拍動作戲好順利

張頴康與楊怡則合作過多次，加上楊怡出名爽朗「男仔頭」，拍攝動作場面就更順利，他說：「有啲戲要同楊怡郁手郁腳，自己最怕同女仔拍動作戲，但係楊怡就好爽，拍就好易入戲、好順利。」

採訪：影視組