田蕊妮再做祥嫂 咀嘴無尷尬

無綫藝人蕭正楠、阮兆祥（祥仔）、田蕊妮（阿田）日前在九龍城為新劇《巨輪》拍攝片花，當日劇情是同為澳門人的蕭正楠和阿田，在沙士時期逆境創業的情況，二人在劇中更會有感情線，但阿田和祥仔又會扮演夫妻，關係錯綜複雜，對此阿田即搞笑大賣廣告：「所以咪要睇囉！」

劇接劇片約不斷的蕭正楠，在《巾幗梟雄3》及《巨輪》等重頭劇都擔演重要角色，對此蕭正楠謙虛說：「要多謝公司畀機會啦！有機會就會努力做好佢，唔想放棄！」

阮兆祥與田蕊妮曾合演劇集《真相》。

蕭正楠在不少重頭劇擔任要角，他感激公司給予機會。

好驚口臭

另外，現場所見戴上假髮的祥仔，指劇集會跨越二十年時間，因此不同年代會有不同造型，他又表示和阿田多次合作，非常有默契。問到二人在劇中會否有激情戲，祥仔表示未知，但他透露之前在劇集《真相》和阿田已有親熱戲，更自爆自己當時非常緊張，他謂：「我有做好清潔，好驚自己口臭！仲問佢使唔使飲啲酒！」

相反阿田對激情劇就非常淡定，阿田笑言：「可能佢好少拍kiss戲！佢好緊張、好好笑！我就冇乜嘢，就算今次有咀戲我都唔覺得尷尬！」

文：影視組