陳展鵬之前到清遠為劇集《心路GPS》拍攝廿多日外景，首次跟無綫出外景的他坦言是很好的經驗，又大讚當地景色美麗，拍出滿意的效果，不過由於每日於農村烈日下拍攝，大家都曬到很黑。展鵬表示：「我哋拍攝嗰度真係好簡樸，啲人喺泥地都唔着鞋，我哋又去到雞欄、豬欄拍攝，嗰度真係可以拍鬼片，一入夜就冇晒燈，初時好唔慣。」亦因為此，劇組都是早開早收，展鵬表示每晚十二點前睡覺，朝早六點起床拍攝，有足夠休息時間，他笑言：「不知幾開心，晚晚六點收工一齊食飯，九點消夜，之後就返去瞓覺。」
