張可頤讚魔童愛惜下屬
【黎寶倫東莞直擊】張可頤昨日在城市電訊CTI老闆、「魔童」王維基率領下，與一眾新劇《客家女人》的演員遠赴東莞舉行開鏡禮。日前王維基怒轟政府遲遲未發牌，昨日王亦繼續表態稱這個遲緩情況並非分秒必爭的香港做事速度，故他會要求立法會出手跟進。席間CTI總導演陸天華上台時不慎仆倒，似有阻攔徵兆，有指對CTI信心動搖的張可頤即派定心丸叫大家要有耐心。
張可頤前晚出席活動時澄清對公司有信心，亦不會做冇道義嘅事，而她在昨日的活動上又指從無綫過檔CTI後，反而不慣能在開拍前收齊劇本及得到老闆噓寒問暖大感謂：「王生好錫我哋，搞到我哋都唔好意思。（以前喺無綫冇？）未試過。（暗踩無綫冇得返轉頭？）太遠嘅事唔會諗，享受生活同工作啦！」