孫佳君：再戰江湖留回憶
孫佳君自言復出不是為錢，不是為獎，只為留下回憶。多愁善感是提煉成藝術家的元素之一，雖然孫佳君否認自己情緒化，但她的確是個心細若塵的善感型演員。
我復出唔係因為冇錢，我嘅財政狀況冇問題！我復出嘅目標好簡單，只係想拍到自己喜歡嘅戲，想演未演過嘅角色，我好鍾意電影，覺得電影可以capture到某個moment，令你每次睇番，都可以勾起好多回憶，包括戲裏戲外。我冇諗過復出要攞獎，應該係話唔敢諗，因為怕失望，亦都未打算要做導演，我冇咁嘅能力同自信，我只係預備好去拍戲，去演好角色。
多方面嘗試
睇番我自己過去嘅演出，其實每套戲都可以演得再好啲，因為隨住自己年紀增長，演法都會唔同。我咩角色都想試，只要有發揮就得，打戲都OK，最緊要多方面嘗試，演員係種專業，我拍戲嘅樂趣就係去嘗試。我唔介意出嚟效果靚唔靚，做得演員就應該有呢種想法，唔通演個普通人都要好靚？
絕不情緒化
有人話我情緒化，我絕對唔係情緒化嘅人，而且我近年仲比較識得點去處理問題，可能應付問題多咗，變得識點去解決。（完）
場地：Il Caffe
化妝：Natalie Soo （D-mop beauty by ND & Co.）