容祖兒畀夠學費 封Fashion Icon

容祖兒、莊思敏、汪圓圓、吳千語及前香港先生陳志健夫婦前晚出席《miramall開幕》，身為美麗華集團行政總裁李家誠率領祖兒及美麗華集團首席集團營運總監施志國進行開幕儀式，穿上大露背Deep V裙的莊思敏成功搶去風頭。

對於封為「Fashion Icon」，謙虛的祖兒說：「過獎喇，唔知今年個命格係咪旺Fashion，嚟緊有好多時裝活動，希望有機會去意大利睇Fashion Show。」近年走在時裝尖端的祖兒笑言當過「水魚」，她說：「入行嗰幾年真係乜都買，售貨員見到我好開心，只要佢哋講幾句我就迷糊咁買咗，真係世途險惡。（依家學精咗？）會格價做個精明消費者，我都畀咗好多年學費。」

性感現身的莊思敏成功搶去風頭。

吳千語強調與富二代朋友無發展機會。

唔會諗秘婚

當問到男友劉浩龍被本報拍得抱小朋友行街，一直為戀情封嘴的祖兒大方說：「冇睇。（劉浩龍想做爸爸？）唔知，我冇諗。（會唔會秘婚？）唔會，咁大件事會公布，世界有奇迹喎。」

而主持電視節目的莊思敏笑言被網民插到一頸血，她說：「畀次機會我哋，睇到好多網民炮轟。（有冇諗過唔撈？）冇，接得就一直做。」

另外，被拍到背緋聞男友林峯坐富二代辣跑的吳千語說：「佢係識咗好耐嘅朋友，當日約咗班朋友食飯，佢順手車埋我。（林峯知唔知？）唔知佢知唔知，相信佢睇完報道會知。」隨即強調與對方沒有發展機會。

文：音樂組