羅力威叫雨僑飲奶補身
英皇歌手羅力威前晚出席活動時透露計劃年底出新碟，會加入廣東歌。對於有網民批評他廣東歌唱功麻麻，他說：「唔會理，自己知自己問題，我會做好自己。」提到緋聞女友雨僑自稱骨質疏鬆，羅力威笑說：「冇留意，咁要飲多啲奶補充鈣質。（嫌佢唔夠奶？）雪櫃唔夠奶就要去買啦！」
另外，雨僑昨日現身電台活動，對於羅力威叫她多飲奶，她聞言後驚訝地說：「係咩？我會飲多啲奶同食鈣片。」雨僑又透露近期忙與張智霖、劉心悠宣傳電影《天生愛情狂》，戲中飾演粗口妹的她笑謂：「之前導演話我講得唔好，我學咗好耐，有時喺屋企同阿媽講嘢都會爆一、兩句，嚇親媽咪。」但她強調拍完戲已沒講粗口，回復斯文本色。
