陳豪情侶谷劇 潑張可頤冷水
藝員陳豪、陳茵媺、高海寧、黃德斌、蕭正楠、張國強等昨日拉大隊到將軍澳為新劇《天梯》宣傳大玩遊戲攀登「天梯」，但戲中主角張可頤和陳山聰皆缺席。轉投無綫死敵城市電訊的張可頤日前在活動中聲稱樂意「回巢」協助新劇宣傳，劇集監製李添勝則說：「唔會啦，政策問題，佢同人哋簽咗約，冇理由去第二間電視台做嘢，TVB邊會益佢。」
陳山聰與賭王千金何超雲蜜運中，問添哥可有找山聰宣傳？他說：「佢喺大陸。（好似同超雲去咗歐遊喎！）佢嗰陣話返大陸做生意。其實一早都冇預佢宣傳，都唔知佢仲做唔做戲，佢做先再搵佢啦。（會唔會影響宣傳？）冇話影唔影響嘅，當然希望齊人啦。」
高海寧女神失勢
陳豪和陳茵媺以情侶檔亮相，雖然沒有拖手，但態度大方，陳豪被問到尷尬嗎？他說：「唔會，公私分明。」提到張可頤缺席宣傳，陳豪說：「唔清楚，等公司安排，人齊當然開心，但係可能係政策因素，人嚟唔到喺屋企睇電視支持囉，其實都希望佢哋嗰邊做得好，咁對電視圈有幫助，不過唔係咁易成事。」
劇中與陳山聰一對的高海寧則說：「我哋冇聯絡，睇微博佢好似去咗歐遊，咁我搵添哥同我一啤。」近期兩位前華姐苟芸慧和岑麗香人氣急升，直接威脅到高海寧的「女神」地位，昨日以旗袍密實示人的高海寧說：「係囉，我老喇，希望拍多啲劇。（認輸？）大家唔同Style，苟芸慧有氣質、岑麗香就Sweet、我就係傻大姐，大家唔同Style，留番少少位畀我啦。」
採訪：影視組