星級心水

陳法拉:咁耐以來買過一次六合彩!今年中秋金多寶有成8000萬,全城肯定狂煲,我都要去買埋一份,實行皆大歡喜!

心水號碼(7)

獎金點:用天賜獎金,我會捐一半出嚟做善事。

黃日華:向來會集一班旺人買六合彩,不但熱熱鬧鬧開心啲,連命中機會都高啲!今期金多寶喺中秋節前舉行,真係夠晒氣氛!

心水號碼(4)

獎金點用:夾份買嘅話,中咗就要睇幾多人分,如果分得多,梗係買樓保值啦!

黃婉曼:今期金多寶彩池咁大,我會選擇買「7個字」,中嘅機會率會高啲!

心水號碼(10)(鍾意十全十美)

獎金點用:如果中咗8000萬,我會拎2000萬做善事,再攞3000萬買大屋同家人住,然後畀1000萬父母養老,最後2000萬部分用嚟投資,同埋圓我想開餅店同咖啡店嘅夢。

冼色麗:中秋金多寶一定捧場,因為我細個用自己幸運號碼買六合彩中過獎,所以以後都keep住買,咁啱我身份證、電話號碼都有我嘅幸運號碼,感覺好運伴隨。

心水號碼(6)

獎金點用:先做慈善,然後與家人旅行,跟住再置業,想家人可以一齊生活得舒適點。