地道題材 爆入國際
杜汶澤與彭浩翔如願拍出了一部擁有本土特色的香港電影，估不到，這願望亦如爆炸糖一樣「爆」入國際，電影本月９日才正式在港上映，但早前已在多個國際影展上佔一席位，入選成為參賽或參展電影，如「第14屆烏甸尼遠東電影節」、「紐約亞洲電影節開幕電影」、「巴黎國際影節」、「斯德哥爾摩國際影節」等！亞洲方面，《低俗喜劇》更勇奪韓國富川國際奇幻電影節「最佳亞洲電影大獎」，認真架勢！
杜汶澤對此亦開心不已，並笑言：「香港喜劇成日被批評流於對白化，有啲老行尊仲話出唔到鯉魚門，今次證明我哋嘅創意，其實喺其他國家地方嘅人都感受到！」談到優先場口碑甚佳，杜汶澤亦十分高興說：「證明香港其實唔會冇觀眾入場，優先場當晚，喺隔籬院都播緊一套大製作西片，兩個院都滿座，雙贏幾好呀！」