蝦頭開咪幫打工仔發洩
楊詩敏（蝦頭）、翟凱泰（泰臣）由舞台劇踏到大銀幕，現再踏廣播界做DJ，誓要做全能藝人。二人在數碼電台主持《潮性直播室》，講盡辦公室性事、醜事、人事，蝦頭說：「希望將人嘅抑壓講出嚟，幫一班打工仔發洩，將佢哋唔敢講嘅嘢講出嚟！」
由演員轉戰DJ，如何拿捏兩者的差別？泰臣表示：「做DJ我就當自己傾緊創作，用自己嘅幻想、朋友講嘅嘢，將佢講得有趣啲！要轉數好快！」蝦頭就笑言：「我有事業線，但係冇底線！」
蝦頭、泰臣諗頭多多，只有三小時嘅節目點夠佢哋講！蝦頭謂：「我成日都扯到好遠，泰臣會拉番我返嚟！有佢我好放心！」泰臣又指：「我哋有默契，點寸對方都唔會嗌交！」大家互補不足，果然係最佳拍檔！