Robynn & Kendy適應娛圈 唔覺恐怖
創作新人組合Robynn & Kendy（R&K）早前獻唱會歌迷，入行約半年的她們表示已逐漸習慣娛樂圈的生活，並說娛樂圈沒有想像般恐怖。
Robynn & Kendy（R&K）日前到adidas Originals旗艦店即席獻唱會歌迷，她們特別揀選較溫馨及有活力的歌曲，令歌迷聽出耳油，非常投入。兩女表示日常生活中亦愛穿運動服裝，全因易襯又舒服。原來R&K除了愛音樂亦愛運動，成員Robynn說：「我平時有玩Kick Boxing、跑步同做gym，之前讀書都成日打網球，但依家就冇乜伴，可能我朋友少。」
兩人一齊分擔
提到兩人已入行半年，問到她們會否覺得娛樂圈與想像中有所不同？Kendy表示：「慶幸有公司照顧，兩個人一齊會輕鬆啲，可以寓工作於娛樂，有人可以分擔，娛樂圈都冇想像中咁恐怖。」而Robynn亦表示現仍處於習慣當中：「入行前諗到好驚，驚唔識點做，唔知點面對傳媒。」
有keep住寫歌
R&K憑其創作歌曲於網上爆紅，問到她們可會與其公司歌手合作？她們說：「同邊個合作都會有唔同火花，好似之前同過譚詠麟、吳雨霏等合作，都好難忘，希望之後都有唔同嘅機會合作。」問到她們可會為其他人寫歌？R&K直言：「都好！我哋依家都keep住寫歌，有機會寫畀其他人唱當然好。」Robynn更透露於美國讀書時認識閻奕格，亦曾向對方自薦寫歌。
文：音樂組