JC等好角色 豪情脫清光
混血名模Jessica C.（JC）身材澎湃人所周知，原來她並不自覺身材特別好，來港後對於人人都留意她的身材感到非常好奇，她接受ontv獨家專訪時更自爆遇好戲不介意全裸，最緊要出來的效果不要cheap！
混血人氣名模JC憑天使面孔、魔鬼身材橫掃全港，令女士趨之若鶩、男士神魂顛倒，她接受ontv獨家專訪時坦言自15歲起就經常被人評論她的外形：「我想其他人可以更留意睇到我嘅內在、我有能力去做啲咩嘢，而唔係我嘅身材，拍電影嘅時候我覺得能夠表達自己多啲。」她覺得香港人對於身形的話題很敏感，反而她從不覺自己身形很性感：「我經常着短褲，又或者Tank Top去展示我嘅肚皮，我都愛着Low Cut、Deep V，每次我個形象師都會話我唔可以着呢啲，但係我唔知，我只係着自己覺得舒服嘅衫！」
唔想性感變cheap
近年她由模界轉戰影壇，反而開始擔心片中形象會否過於性感，怕出來的形象太cheap，反會被觀眾定型為只懂行性感路線的花瓶：「拍戲嘅時候我真係會擔心人哋點睇我，驚影響自己嘅名譽，驚有啲人睇完電影會覺得我好cheap，任何女仔都能夠做我嘅角色！」但她認為只要角色合理，就算要全裸演出她亦絕無問題：「就好似金像影后Halle Berry（荷爾芭莉）咁，佢都試過幾乎赤裸上身，但冇人話嗰個鏡頭好cheap，所以我覺得係視乎個角色，如果個角色係合理嘅話我會做。」
文：專案組