萬綺雯keep住黃金比例身材

萬綺雯（蚊蚊）和名模陳祉妤（Balia）昨日齊齊出席時裝活動，期間換上多套秋冬新裝，大騷長腿的蚊蚊被讚擁有黃金比例身材，問當年為何不選擇當模特兒而去選亞姐？她說：「其實我係做model影咗輯婚紗相，先係有人叫我去選亞姐，不過我唔會去諗點解冇繼續做model，好多嘢都係注定嘅。」

最近忙於拍劇的蚊蚊表示已習慣在TVB的日子，她說：「個個都對我好好，好似郭晉安、羅蘭姐、修哥（胡楓）覺得我初來報到，好照顧我。（老公有冇投訴你太忙？）唔會，因為佢都好忙。」

萬綺雯露背亦好搶鏡。

陳祉妤（右）表示與萬綺雯在微博互相關注。

結婚12年仍似拍拖

蚊蚊笑言現在兩三個星期才可以跟老公食一次晚飯，反而覺得更開心，自覺與老公婚前婚後沒有分別，依然有拍拖的感覺。而今個月正是他倆結婚12周年，往年都會一起去旅行慶祝，今年二人則要各自工作，亦未必會補祝，因為他們都不愛搞驚喜。

Balia自比奧運選手

而Balia則表示私下有與蚊蚊互相關注微博，留意大家的工作。身為模特兒的她自言有刻意做運動維持身材，Balia說：「我來港15年啦，身材都有keep住，做model呢個係專業，就好似奧運選手，希望在工作上攞到金牌。」

文：名人組