陳雅倫跛住喊打

形象性感的Ellen，剛出道時曾拍過不少打片，由於經常要接受地獄式訓練致周身傷，舊患至今仍不時出現痛楚，她說：「當年我拍《霸王花》真係要去軍營受訓，之後拍幾部動作電影，都有好多打鬥動作搞到周身傷，直至依家膝蓋都仲有事，咁多年都捱住。」

直至最近醫生建議她做手術，Ellen說：「我就去做，點知第二日，導演王晶就打畀我叫我開《絕色武器》，因為有洪金寶、元奎咁好陣容，再加上，我一直都好感激王晶，佢喺我人生路上不停畀啲適合嘅角色我演，所以跛住腳都去拍。」

陳雅倫（左）忍住痛楚與貝安琪拍對打戲。

Ellen難得與多年好友黃秋生合作。

碌友情卡

除了拿着拐杖開工，Ellen連打戲都肯做，雖然不能打得很厲害，但都悉力以赴：「我同貝安琪有一場打戲，見到佢同婷婷拍打戲，就會諗起以前自己拍打戲嘅情景，但佢哋幸福好多。」Ellen還大碌友情卡，請了「好兄弟」黃秋生助陣，Ellen笑言跟秋生是無所不談的好朋友，對方知道她開王晶電影，加上又有不少老朋友參演，秋生便客串一角，能跟好友聚頭，Ellen當然十分開心。

文：影視組