陳法拉怕過父母關
無綫花旦陳法拉在電視和電影圈打響名堂，亦秘密跟名師學唱歌多年，在今年30歲之年為自己寫下新里程，推出唱片成為樂壇初哥。屋企是音樂世家的法拉，最怕新碟要拜見父母，她說：「父母要求好高，最怕佢哋失望！」
在音樂世家長大的陳法拉自小受父母薰陶，學琴多年與音樂結下不解緣，直到2年前機緣下簽約唱片公司，經2年籌備處女碟《Beautiful Life美麗人生》正式面世。原來法拉多年來一直跟星級歌唱老師Christine Samson學習唱歌，不過，首次以歌星身份在《勁歌金曲》唱現場卻緊張失準，但挫折也是推動力，後來她也回復水準且得到認同，外界覺得她的聲線甚有新加坡歌手陳潔儀的味道。
唱Live失準當經驗
性格硬淨的法拉沒有失信心，努力練歌又上YouTube研究其他歌手現場演繹的竅門，她說：「第一次喺《勁歌》唱自己嘅歌，冇預計過會咁大壓力、咁緊張。當時諗呢首係陳法拉嘅第一首歌要唱到最好，但愈諗就愈大壓力，反而表現唔好。依家信心大咗，但仍未去到揮灑自如地步，所以要繼續吸收經驗。」
其主打歌《一半》講述缺少伴侶的孤單，似乎是她現實情路的寫照，法拉談到男友薛世恒對她的新歌評價，她笑說：「當然係有讚冇彈，都係鼓勵說話。」但法拉最怕是要過父母關：「父母對音樂要求好高，佢哋平時係鍾意聽歌劇，好少聽流行曲，都怕新碟佢哋聽咗會失望，早前登台佢哋嚟睇完都畀咗好多意見，好似高低音應該點唱。」
文：影視組
服裝：Just Cavalli
化妝：Mon Cheng＠Annie G. Chan
髮型、場地：Dickson Tang＠Hair Corner