劉嘉玲夜店門常開招呼富豪

【陳嘉敏上海直擊】劉嘉玲投資的第三間夜店MUSE，前晚假上海益豐．外灘源舉行開幕派對，為隆重其事，嘉玲碌盡人情牌，獲不少圈中好友包括胡軍、鍾鎮濤與范姜、馬德鐘與太太、黃宗澤、胡兵、孫儷與老公鄧超、周汶錡與妹妹周麗淇、薛芷倫、林嘉綺等撐場。美中不足是老公梁朝偉與好友王菲未有現身，她說：「阿菲我唔會騷擾佢，佢係修行之人。」說時將雙手合十，續說：「佢已經去到另一個境界。」問到今次投資多少及籌備多久，她笑笑口說：「幾多錢，我唔知，籌備咗一年。（幾時到香港開？）香港係下一步。」

風騷回應緋聞

早前有報道指有人目擊劉嘉玲與內地富豪景百孚日前在上海夜遊，嘉玲面帶笑容風騷回應：「喺上海邊度？喺咪MUSE啊嘛！」不忘為自己的夜店作宣傳。問到為何不邀請景百孚到場？她保持笑容說：「冇，有啲人係做生意，未必適合嚟呢啲地方。如果佢哋想嚟，我哋嘅大門係打開。（朋友係咪有優惠？）我嘅朋友全部都係free。」

周汶錡（右）與妹妹周麗淇同聲恭喜杜德偉結婚。	黃宗澤指女友有兩個助手傍實，十分安全。	孫儷與老公鄧超恩愛出席。

黃宗澤唔亂蒲

在上海拍戲的黃宗澤獨自出席，他謂在上海只去過兩次夜店，他說：「係有香港朋友喺上海先會去飲吓嘢，平時我都係匿埋酒店。」對於最近誤傳有兩名臨時女演員在橫店遭姦殺及肢解，被問會否擔心女友胡杏兒，他說：「佢近期喺香港工作，而且佢有兩個助手應該冇問題。（使唔使請兩個保鏢？）如果真係咁危險，都要請。」而周汶錡對於舊愛杜德偉將結婚，即大方說：「幫我恭喜佢，係開心事。」