Paul唔識講嘢靠音樂表達
黃貫中（Paul）一連兩場紅館演唱會昨晚揭幕，以往Paul開騷，女友朱茵例必到場打氣，但自從四月兩人宣布有喜後，朱茵一直未有露面，昨晚亦未見她蹤影。捧場嘉賓有蔡一智、蔡一傑、糖兄等，陳豪與黃德斌則任表演嘉賓。雖僅得七成入座率，但觀眾非常熱情，Paul甫出場，歌迷就企晒起身狂嗌，氣氛熱鬧。
三面舞台以古堡作設計，一身黑衣打扮的阿Paul潮着黑長裙，充滿神秘感覺，一口氣連唱三首歌的他說：「多謝大家，我好多年冇喺呢度開騷，心情好興奮，你哋開唔開心？希望大家可以享受今次個騷，我唔識講嘢，惟有用音樂去講。」