洪卓立（Ken）前晚出席新碟簽名會，首次出國語碟的他大表緊張，月底將到內地宣傳。他說：「之後會去英國錄新碟，壓力好大，搞到個人傻傻哋，即刻去學唱歌，同蔡卓妍（阿Sa）同一個老師。」
提到師姐阿Sa於《紅白鬥》表現失準，Ken即力撐對方：「呢個樂壇邊個未試過失準？我試過走音走得比佢更犀利，我都係聽到佢同陳偉霆學唱歌後有進步，先搵佢哋嘅老師學唱歌。」提到緋聞女友湯怡為他拍MV而被其歌迷鬧，問會否下次幫對方拍MV？他說：「都得，我都唔怕畀人鬧。」