Iris反寸娜姐：我又冇滴牙膏
周秀娜日前「淫審判官」上身，嚴選本年度寫真十大「鹽」書，「爆E超蓮」鍾采羲（Iris）被選為第五位，她得悉後嬲爆，炮轟娜姐才是「鹽書始祖」，怒吼：「起碼我冇玩滴奶、食軟雪糕！佢簡直係五十步笑百步！」
陳靜儀（Mia）的寫真被淫審處列為第II類物品（不雅物品），遭禁足書展，引起模圈廣泛討論，而已有兩年冇出寫真的周秀娜，日前化身「淫審判官」品評「十大鹽書」，黃榕、許穎（Phoebe）及陳靜儀（Mia）名列前三甲，鍾采羲（Iris）同樣榜上有名，位列第五位。
搵周星馳打比喻
向來性格率直的Iris得悉後，無懼得罪寫真「前輩」，炮轟娜姐五十步笑百步：「佢憑咩去評我？我本寫真主要都係着內衣、泳衣，都係展現健康性感，起碼我冇玩滴牙膏、食軟雪糕！佢寫真嘅意識咪仲意淫！」
Iris鬧得興起，亦不忘冷嘲熱諷一番：「其實成件事真係得啖笑，佢咁講就好似周星馳話佢從來唔拍笑片，淨係拍文藝片一樣！」
書展下周三就舉行，不過她表示由於出版商安排關係，其寫真不會放在書展發售，只會放在便利店及書報攤售賣。
問到怕不怕淫審處勒令「包膠」？她說：「梗係唔會喇！唔係我自誇，我本寫真差唔多係今年最靚嘅一兩本，好難做到性感得嚟唔猥瑣！」之後她會跟同公司「死敵」林宜芝（Monna）一齊搞簽名會，到時會送神秘禮物給粉絲。
文：專案組