呂慧儀性感撐場過口癮

呂慧儀昨日以火紅性感Tube Dress出席，並即場調製珍珠奶茶，左搖右擺搖奶時未見失手，但當她插飲管時卻雞手鴨腳搞到漏奶，顯得有點狼狽。呂慧儀又周圍試食，極愛台灣小食的她，坦言很想抽時間與老公到台灣旅行：「我最鍾意食雞扒、豬肉紙呢啲香口嘢，所以我嚟到呢度好開心，可以過足口癮。」與老公新婚不久工作不斷，不過慧儀仍想趁外遊機會與老公造人。

想恭喜蒙嘉慧

有關好友蒙嘉慧傳結婚，慧儀稱尚未「八」到詳情：「佢好口密。（Book期做姊妹？）冇同我講，可能知我口疏。（察覺到？）上次合作做節目講婚禮題目時佢有好多問題囉！其實呢啲係喜事我都想恭喜佢，仲希望佢加入我哋靚太行列。」同場的Kawaii更沾慧儀的人妻氣場，希望快快出嫁，到台灣物色對象。

符瓊音（左）與家姐符超瑾擔任表演嘉賓。

眾嘉賓濟濟一堂，一起推廣台食夜市街。