荷里活動作巨星史泰龍（Sylvester Stallone）透露即將到中國拍攝一部新片，更會於香港取景，形容電影有如經典科幻片《二零二零》（Blade Runner）結合懸疑與動作！
史泰龍早前接受《Variety》訪問透露未來大計，他將於中國拍攝一部大製作：「重大機密，大製作，套戲將會以香港為背景，我角色係一個同時代脫節嘅人。依家好多人去中國拍動作片，但我覺得可以更進一步，做多啲懸疑，更多劇情，我認為我搵到個組合。套戲比較似《二零二零》，因為當你呈現緊兩種文化衝突……我唔想講太多，但真係好X正。」
而史泰龍主演的Rambo系列第5集《第一滴血：終極血戰》（Rambo：Last Blood）在港率先上映，前日史泰龍與同片拍檔Paz Vega、Oscar Jaenada與Sergio Peris-Mencheta出席紐約舉行的特別放映會，並與一班軍人合照。他早前受訪曾揚言若新片票房成績好，有意開拍Rambo前傳，講述他16、17歲時的故事：「佢係模範青年，係隊長、校園風頭躉、超級運動員。就好似奧運金牌選手Jim Thorpe，戰爭改變咗佢，如果你認識之前嘅佢，會覺得佢係完美男人。」Rambo於第一集中飾演越戰後回國的軍人，當他被暴虐的警察無故挑釁，引爆怒火，釀成流血衝突。
適逢前日是「Rambo日」，史泰龍的動作界好友阿諾舒華辛力加（Arnold Schwarzenegger）於社交網站拍片祝Rambo日快樂，並祝新片開畫有好成績，他稱很喜歡該部作品。他表示見到史泰龍於卡迪夫城慈善拍賣簽名Rambo開山刀，不忘調笑一番，指同樣在當地拍賣自己作品《鐵血戰士》（The Predator）的刀，比Rambo的刀更大。