周志文劈腿陰影 搵松哥教路

巨聲幫大孖周志文早前與劇集《名媛望族》中的女友馬賽傳出緋聞，更被揭與𡃁模CoCo（袁聖殷）拍拖，志文當時否認與CoCo的關係，但其後表示兩人已分手，明顯方寸大亂。

事隔兩個月，志文承認當時處理失當，因溝通問題導致前後矛盾，但樂觀的他當是上了一課，對於被指一腳踏兩船，他承認不開心：「好在身邊朋友都了解我，惟有事業上再做好啲，唔好畀人挑剔。（感情觀有變？）不嬲都想公私分開，下次拍拖都唔會刻意公開，但件事令我變得更慢熱，樣樣嘢都諗清楚先。」他笑言處理感情仍是初哥，要向經驗老到的劉松仁請教「御女術」：「松哥戲入面有五個老婆，一樣處理得咁好！我哋有咩唔明都會問佢。」

同馬賽冇火花

對於事件女主角馬賽，志文直言全無愛火花，只當她是前輩：「佢拍劇資歷比我多，有教我演戲，劇中我哋有錫戲，觀眾會有驚喜，但我哋唔會係發展對象，始終工作還工作！」提到舊愛CoCo當時甚有醋意，志文無奈表示不想回望過去的事，雖然日前拍到二人拍拖試大床，但他仍死撐與對方仍是「有聯絡的朋友」，並承認因忙於拍劇，忽略了身邊人的感受：「當時喺上海拍劇，唔想私人情緒影響咗角色，否則就唔專業，所以咩都冇諗。」至於其後被揭與舊女友的親密照，志文處之泰然，認為要向自己的行為負責，亦不會追究是誰放料。

作為孖生細佬，志康認為一切盡在不言中：「我有關心阿哥，但唔使講得太多，信佢！」細孖表示其感情狀況穩定，但結婚則言之尚早，跟大孖一樣先為工作打拚！

文：立影

攝：黎志輝

場地：La Tache＠MegaBox

髮型：Ken Yong＠Hair Corner