陳爽準新娘明年初出嫁
無綫女藝人陳爽將於年尾與金融才俊Anthony Leung拉埋天窗，明年初再在香港四季酒店宴請親朋，能夠在30歲前出嫁，對陳爽來說，比起手上的五卡心形鑽戒，更稱得上是今年的最佳生日禮物。
陳爽本月21日將迎接29歲生辰，亦即婚前最後一個單身生日的來臨，她說：「其實我同男友拍拖只係一年多，識佢時我啱啱想轉工，由藝人轉職航空公司真係好辛苦，但佢畀好多鼓勵同支持我，令我好感動。父母見完佢，都話對佢好放心！」陳爽覓得如意郎君的同時，亦愛情事業兩得意，轉職航空公司一年多的她，仍未離開娛樂圈，她表示今屆港姐倫敦之旅同《衝上雲霄2》，都有份幫手。另外，亦傾緊客串《衝2》，她表示對演藝事業仍有憧憬，亦享受演繹每一個角色，希望可以儲舞台經驗。
場地：彩福皇宴
化妝：Zezu.com 倩型
服裝：Gigi Chu