糖妹李卓庭唱出娛圈悲歌

每年樂壇新人湧現，很多愛唱歌的年輕人都想做歌手圓出碟夢，Eunix曾奪得叱咤新人金獎，可惜剎那風光不是永恒，出了4張唱片後已銷聲匿迹。據知她欠下Boxing唱片公司的30多萬墊支費仍未還清，現時失業的她惟有幫教會做分享、見證，雖然每次教會給她約500元奉獻，但仍入不敷支。

經理人代還7年

本報致電向Eunix求證，她坦言仍欠下舊公司墊支費無力償還：「整頭、化妝、車費都係公司墊支，連形象設計師嘅費用都係我畀，出道第一年最多嘢做，但攞完獎後公司幫我開價太高，萬幾蚊一個騷，搞到冇人搵我做嘢，喺冇宣傳之下出碟，好慘！」結果Eunix跟舊公司解約，由經理人代她還錢，她無奈說：「每月要還幾千蚊，我諗仲要還6、7年。（想唔想重返樂壇？）依家寫咗2首歌，睇吓經理人肯唔肯投資。」

近日有網友在討論區指李卓庭將出新歌，企圖在樂壇「翻生」博多鋪。（資料圖片）

羽翹自爆最窮時戶口只剩幾十蚊。（資料圖片）

據知居於深水埗的「宅男女神」糖妹亦曾向公司WOW MUSIC借貸10幾萬，糖妹在電話中坦言：「呢筆係學唱歌、戲劇班、置裝嘅費用，啱啱先還清畀公司。一般新人收入真係唔多，我平日都係搭港鐵，跟路人你眼望我眼，我唔覺尷尬，發哥（周潤發）都係搭港鐵啫。」另外，日前有雜誌指日模松岡李那想溝Dominic，身為正印的糖妹，前晚錄影《勁歌金曲》時表示與松岡是朋友，又指Dominic已備案，還笑言仍要靠記者看實男友。

羽翹問家人借錢

羽翹則較幸運，只需向家人借錢：「因為公司有底薪，初入行時都有5位數，但試過一星期搭的士就使咗大半份糧！最窮時戶口只剩幾十蚊，每個月要家人畀三千蚊我使。做新人係全世界最窮歌手！」

文：音樂組