岑潔儀鬧爆成日溝女
曾自爆被李思捷在夜店借醉抽水的女藝人岑潔儀（Zoey），亦揶揄李思捷抵死，問到她李思捷的為人時，Zoey即激動鬧爆：「衰格囉！睇佢幾時畀女呃吖！（佢係咪好花心o架？）佢成日都去溝女o架啦，有個咁好嘅女朋友都仲係咁，之前好似有個叫Naomi呀嘛，我覺得李思捷應該要帶眼識人囉，玩女人都玩得小心啲啦，小心畀人利用呀。」岑潔儀又大讚春卷是好女孩，她說：「佢仲咁細個，得廿一歲，又咁靚女，大把機會啦，唔好咁盲目相信男朋友啦。（會唔會覺得春卷好慘呀？）又唔會話佢慘嘅，不過我希望佢將來會幸福啦。」
