「肥仔」曾守明暴瘦醫心血管病：唔可以食飽
無綫綠葉王曾守明、朱慧敏和朱凱婷等昨日出席慈善活動。早前患心血管疾病致暴瘦的曾守明坦言因飲食不當、工作壓力及缺乏休息所致：「舊年喺公立醫院做咗手術，依家要增番磅。我拍《鐵馬戰車》時都仲係肥仔，但要慢慢嚟，唔可以食得好飽。」曾經重達180磅的他事後再接受電話訪問，他稱體重試過跌至140磅，幸好最近回升約150磅。他又稱拍《鐵》時應付運動量大的戲份時感到心臟不適，才知自己患病：「易攰，個心成日有無形壓力。」經醫生檢查後，發現他心臟部分變大，影響心肺功能。
問曾守明為何會體重激減？他指因主要器官功能減弱，令它們正常去水能力降低，因此要靠藥物排水，以致身形變瘦。他非常感謝無綫台前幕後的關心：「畀好多正能量我，亦都畀少啲野我做，等我休息多啲。（收入大減？）我簽合約嘅，影響唔大。（醫藥費重皮？）我睇公立醫院，享受政府福利，好感恩。」
同場的朱慧敏對於佘詩曼開工作室，5月初離開無綫的她希望能與阿佘合作。身為餐廳老闆娘的朱慧敏又笑言唔識搞工作室：「我同佢第二套劇就合作，之後都合作好幾次，有WhatsApp聯絡，但見面比較少。」