G.E.M.冧笑 男友過關
鄧紫棋（G.E.M.）的緋聞男友林宥嘉將在六月紅館開騷，但G.E.M.揚言到時為陪母親過生日拒絕捧場，G.E.M.指母親不時留意林宥嘉演出，欣賞他是唱得的好歌手，看來林宥嘉已過家長一關。
G.E.M.、恭碩良（Jun）、陳奐仁和王梓軒前晚為音樂會演出，提到G.E.M.的緋聞男友林宥嘉六月在紅館開個唱，表示歡迎G.E.M.去睇騷一事？G.E.M.則指當晚要陪母親吃生日飯慶祝。大可與母親結伴捧場？G.E.M.則言：「唔想媽咪曝光，想佢可以正常生活。（媽咪見過林宥嘉未？）電視度見過囉！（真身呀？）我唔記得囉。不過，媽咪都鍾意唱得好嘅歌手，因為媽咪都係音樂學院出身，好鍾意音樂。」
「阿媽都鍾意」
G.E.M.喜歡的人母親都會喜歡？G.E.M.笑言：「所以母親係偉大嘅，母親節快樂。」G.E.M.稱和妹妹都想送母親一份有心思的生日禮物，但仍未有頭緒。記者提議帶林宥嘉去？她笑言：「想嚇死佢咩，無端端帶個男仔去做禮物。」
至於同場的恭碩良（Jun）對有報道指o靚模陳靜師妹梁郁霖（Lilian）在天后廟，用自己跟恭碩良的名字點了升運姻緣燈，阿Jun稱：「我唔知喎，多謝佢關心，我大個仔啦！（同Lilian關係？）成班朋友嘅朋友。」阿Jun更爆響口說Lilian已有男朋友，追問下阿Jun又封口。再講到另一緋聞女友林憶蓮時，阿Jun更大戲上身唱着說：「激死我……呢啲真真假假，只有自己先知。」
文：音樂組