Kelly送祝福：三年抱兩
劉德華的寶貝女終於出生，不少圈中人不約而同送上祝福。剛榮升第二任媽咪的陳慧琳（Kelly），就祝願華仔的「小龍女」健健康康、快高長大，更笑說：「希望華仔三年抱兩！」
屬華仔超級粉絲的名模歐陽妙芝，得悉消息後大表興奮，她雀躍地說：「真係好開心，好難得！我覺得係天賜嘅禮物。其實由華仔一開始宣布將會做爸爸嘅時候，我就計到應該同我大仔差唔多時候出世，所以呢一兩個禮拜開始，我就戥佢緊張，之前亦都已經送咗BB衫畀佢哋，同埋我都寫咗『五福臨門』幾個字送畀佢！」另外，昨有傳鄭裕玲於她主持之電台節目中爆料，指劉德華於5月8日榮升老竇，記者致電鄭裕玲回應：「我冇喺節目度講呢樣嘢，大家可以上網聽番！」
