吳鎮宇囝囝 早知青雲食白果
向來敢言的吳鎮宇，昨日撐好友劉青雲失落金像影帝獎項，但獲得很多朋友，焉知非福！他反指「某某某」贏獎卻輸掉友情，更笑言連3歲兒子也預知青雲無獎攞，暗嘲頒獎禮不公。
第三十一屆金像獎頒獎典禮圓滿結束，各個獎項均塵埃落定，劉青雲大熱倒灶落敗影帝，有傳青雲當晚失獎兼黑面，昨日吳鎮宇與呂慧儀、羽翹和李蘊出席活動，吳鎮宇表示其兒子一早預知青雲落敗，他說：「我叫佢講uncle Sean（劉洋名）win，佢係都唔講個win字，但青雲輸咗佢就即刻話uncle Sean lose！」問到有否安慰對方？鎮宇即暗寸說：「我恭喜佢呀，我話咁樣你會多啲朋友，唔會好似某某某咁冇晒啲朋友，如果要用嗰舊嘢（獎項）嚟證明，咁去花園街買個擺喺屋企都得！」那某某某究竟是誰？他卻未有透露。
七月拍《衝上雲霄2》
鎮宇又批評金像獎對外來人不公平，認為制度有感情分，外來人沒有人際網絡，會較輸蝕，他認為金馬同奧斯卡亦一樣存有缺陷。他說有「預知」能力的兒子，經常扮鬼扮馬，讚他是天生的演員，不過他抗拒兒子入娛樂圈，更抗拒父子檔上陣，而他則落實會拍攝《衝上雲霄2》，表示「母校」tvb很包容他，讓他完成手頭上的工作，待至七月才開拍。
崔豪進唔認第三者
呂慧儀穿上中門大開的裙子亮相，直言很留意現場行騷的鄭欣宜緋聞男友韓模崔豪進，呂慧儀被問到何時造人時，她說自己努力keep fit迎接仲夏，待冬天才考慮造人。而崔豪進指自己仍然單身，否認與欣宜的緋聞，亦否認自己是第三者。
文：名人組