- on.cc 東方互動主頁
- 3月29日 (六)
廖碧兒（Bernice）、陳嘉桓、港姐朱希敏、許亦妮、梁麗翹及華姐張曦雯、岑麗香等前晚出席仁濟醫院周年慈善餐舞會，穿上性感舞衣的Bernice風騷晒事業線，她透露因傷暫停跳舞一段時間，故能再表演跳舞分外興奮。
有傳她與加盟城市電訊的張可頤爭寵，她作出否認：「我冇簽任何電視台，只簽經理人合約，仲係自由身，所以唔關事！之後會返內地拍劇，都會同（城電老闆）王維基合作。」對於被指暴脹而貌似超齡亞姐宮雪花，Bernice即落閘表示不知對方是誰。
應屆港姐亞軍朱希敏早前被本報拍到與港男李善恒拍拖，面紅紅的她大讚對方好仔、誠實及上進，雖然兩人年紀相差10年，但在外地求學的她自言思想成熟，相處不成問題，更表示已見過男方家長：「我之前返加拿大探媽咪，都帶埋份報道畀佢睇。（媽咪叫你喺街度唔好攬錫？）我家教好嚴！係角度問題啫！（TVB叫你低調？）公司都知，拍拖好正常。」希敏笑言曾為男友煮飯，問到是否結婚對象？她表示順其自然，但承認兩人很投契。
陳嘉桓在母親Ronnie及設計師何國鉦陪同下現身，對於母親已不再是其經理人，陳嘉桓表示尚要時間適應：「同新經理人要時間磨合，有時瞓醒都慣咗問媽咪今日做乜。」
採訪：影視組
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
