Alice B.荒島過日辰
有沒有想過如何過一個別出心裁的生辰？兩位不同年代的Canon女，混血女模Alice B.希望在無人小島與友人過「野人生活」；而Madi Ross生日會約埋成班好友，着住沙灘裝搞沙灘派對。如此重要日子裏面，她們都選擇與朋友度過，絕非有異性無人性之類！
「2011歐米茄觀瀾湖高爾夫世界盃」
Alice B.：「我想生日去一個從未去過嘅地方，好想去一個無人嘅小島，我同朋友喺小島住，跟住一齊釣魚，釣到魚就即刻煮嚟食。」
諸葛紫岐：「我好鍾意麵包超人，希望第日可以同麵包超人一齊慶祝生日，叫麵包超人唱生日歌畀我聽，同埋要有麵包超人蛋糕，所有出席嘅朋友都戴住麵包超人面具。」
謝婷婷：「生日想搭太空船上到太空，着住太空衣漫遊宇宙，可以親眼睇到宇宙係點嘅。」
「apm潮裳聖誕華麗之旅」
林莉：「我想喺摩天輪上面慶祝生日，感覺好浪漫，希望到時可以同一大班朋友一齊，不過如果有自己心儀嘅男仔會扮成卡通公仔陪我，會仲開心。」
Madi Ross：「想喺船上或沙灘搞生日派對，自己好鍾意曬太陽，出席派對嘅朋友，都要着沙灘裝，戴太陽眼鏡同埋着人字拖。」
「時尚酒會」
胡心諾：「明年1月係我20歲生日，到時會大搞，自己好鍾意煮嘢食，好想訂一個大廚房，到時叫晒朋友嚟，由我教佢哋煮嘢食。」
鍾采羲：「我想喺海底搞生日會，因為好少人會咁做，將來結婚嘅話都想喺海底舉行婚禮。」