阿Sa順天意做媽咪

前晚蔡卓妍與師妹鍾舒漫一同出席「ANTEPRIMA WIREBAG 2011聖誕派對系列發布會」，同場還有Janice Man及JW。阿Sa表示聖誕節也希望跟男友陳偉霆過二人世界，不過二人都有工作。問到會否提前慶祝？她說：「都想呀，因為上次我生日時祖兒嚟唔到，佢話想叫公司搞個大派對。（買咗聖誕禮物未？）未呀，要買都係買最貼心嗰幾份，其他同事話寧願收現金喎！」她又表示最難忘的聖誕禮物是拍檔鍾欣桐送給她的一棵紙聖誕樹。

對於近期圈中不少藝人紛紛宣布有喜，會否也有生BB的衝動？阿Sa說：「未有咁快，太倉促喇，要籌備吓先，依家都幾開心呀，享受吓先！」要做足「安全」措施？她笑說：「呢啲嘢隨緣啦，整定嘅，有時唔係話想要就有，有時又會喺毫無準備下有，如果個天畀我，我會好開心，一定會生出嚟，因為我都好鍾意小朋友，但近幾年就未有呢個打算。」

鍾舒漫似小鳥依人般挨落陳智燊度。

Janice（左）與JW拿着品牌最新款手袋。

唔知老闆喜事

而同場的Janice被問到有否恭喜老闆黎明快榮升父親？她說：「係真嘅咩？我都唔知，如果真係有咗當然會恭喜佢哋，遲啲老闆演唱會都會見到佢哋呀！」Janice又謂今年首度過單身的聖誕，她未知會否適應，但她一定不會讓自己一個人呢！而JW就表示不知老闆有喜，她說：「雖然Gaile（樂基兒）好錫我，但呢啲始終係人哋嘅私事，所以都唔會問，見到先算啦！」

文：名人組