3度封帝叫胡 黎耀祥等創紀錄
從《巾幗梟雄》的「柴九」到《義海豪情》的「劉醒」，兩位小人物扶助了黎耀祥完成兩登視帝的大業，今次祥仔在《法證先鋒III》中首度飾演專業人士「Pro Sir」，可謂演技大考驗：「今次真係搏老命，表現值90分o架！」《法》劇的收視正好印證其努力，挾本年度平均收視冠軍之勢，贏盡觀眾口碑，令祥仔三度封帝的機會大增：「連中三元要講公信力，逐次『埋單』計，如果有Formula（方程式）就發達喇！」
90年代有羅嘉良（撈家）於07、08及92年三奪視帝。談到撈家當年三奪視帝，祥仔坦言希望連續三年稱帝創紀錄：「當然希望啦！收視愈高就愈大機會，不過天華、嘉穎同黃宗澤都做得好好。（揀一個？）咁揀黃宗澤啦，話晒喺《強劍》合作過。（攞咗兩次讓吓啲細嘅？）呢啲冇得讓嘅！」
攝：唐豁莊
髮型：Ivan Lee@Hair Quarters