李泳豪愕然送祝福
對思琦傳出有喜兼結婚一事，前男友李泳豪昨日聞得消息大感愕然，更頻說：「你哋喺邊度聽番嚟？」儘管之前曾經深愛過，但泳豪亦大方表示希望前女友思琦好：「有啲愕然架！我都反應唔切。（唔開心？）心情暫時都OK，如果呢個係事實都冇辦法要接受。（會聯絡佢？）大家一直都冇搵，之前佢話會攞番啲狗都冇，唔緊要啦，我養囉！（祝福佢？）都想佢好嘅！」
至於之前鬧爆思琦的泳豪父親李家鼎，他昨日得聞此事卻收火說：「都過咗六個月，唔理得人咁多，佢生仔結婚，咪希望佢好好哋、開心啲，唔好執着，生個健康嘅細路。（唔嬲咩？）又唔係仇人。（泳豪仲未拍拖？）一朝被蛇咬，三年怕草繩！」