薛凱琪愛網購省時省錢
薛凱琪（Fiona）昨日盛裝出席上海一個女性線上購物網站活動，同場還有化妝師Rick Chin，Fiona形容自己是網購愛好者，她說：「入行後比較少時間出去行街購物，所以網購好方便，24小時都有得買，船運又唔使錢，慳好多，有啲人懶唔襯衫，網上仲會配搭襯埋畀你參考。」問她可會在網上訂購貼身內衣？她笑言呢樣咁私隱要保留神秘，對於服飾心得，平日Fiona最愛便服，她說：「着衫睇心情，好極端(o架)！不過我特別鍾意男裝牛仔褲同tee，因為有啲剪裁淨係得男裝先有。」
在上海逗留數天的Fiona，除了工作，也趁機品嘗上海美食，特別是她鍾情的大閘蟹，她說：「又去咗朋友屋企食地道嘅私房菜。」日內她便要返港為新碟進行錄音。